Ermənistanın kredit qabiliyyəti çox yüksəkdir. Bunu ER maliyyə naziri Vahe Hovhannisyan parlamentin Avropaya inteqrasiya və maliyyə, kredit və büdcə məsələləri komitələrinin birgə iclasında bildirib.
Nazirin sözlərinə görə, Ermənistanın Avropa İttifaqı ilə 2,8 milyard avro ayırması ilə bağlı razılaşması var, lakin layihələr olarsa, daha çox verəcəklərini bildiriblər.
“Bizim Aİ ilə razılaşmamız var. Məqsəd maliyyələşdirilməli olan proqramların çərçivəsini formalaşdırmaq idi. 1 günə, 1 ay və ya 1 ilə 2,8 milyard avroluq proqram tərtib etmək mümkün deyil. Davamlı işlər görülür, harada hazır plan varsa, o, maliyyələşdirilir”.
“Əgər 10 milyardlıq yaxşı proqramımız olsa, daha 10 milyard da var və olacaqdır, bu, 2,8 milyardla məhdudlaşmır. Burada problem pulun olmaması deyil, ölkəmizin inkişafına sərmayə yatırmaq üçün bizə lazım olan planlardır”.
Qeyd edək ki, nazirin sözlərinə görə, ötən il Ermənistan Aİ-dən 8 milyard 875 milyon dram qrant alıb. Bunun təqribən 2 milyard 980 milyon dramı məqsədli qrantlar olub, 5 milyard 895 milyon dram isə məqsədyönlü olmayıb. Aİ-dən alınan kreditlər 10 milyard dram təşkil edib.
