Baş nazirin müavini Mher Qriqoryan Aİ-nin Cənubi Qafqaz və Gürcüstan böhranı üzrə xüsusi nümayəndəsi Toivo Klaarı qəbul edib. Görüşdə Avropa İttifaqının Ermənistandakı nümayəndəliyinin rəhbəri, səfir Andrea Viktorin də iştirak edib.
Hökumətin mətbuat xidmətindən NEWS.am-a verilən məlumata görə, həmsöhbətlər regional hadisələri, o cümlədən Yerasx-Culfa-Meğri-Horadiz dəmir yolu əlaqəsinin bərpası və təşkili perspektivlərini, sərhədin demarkasiyası və sərhəd təhlükəsizliyi komitəsinin gələcək işi ilə bağlı məsələləri müzakirə ediblər.
