Xarici işlər nazirinin müavini Vahan Kostanyan Həkəri körpüsündə baş verən insidentə toxunaraq, hadisənin araşdırıldığını qeyd edib, Radar.am məlumat yayıb.
O, Rusiya səfiri Sergey Kopirkinin XİN-ə çağırılmasının təfərrüatlarından da danışıb və bildirib ki, Ermənistan XİN öz mövqeyini və narahatlığını səfirə təqdim edib və rəsmi cavablar gözləyir.
“Rusiya konsulluğu niyə Synikdə sürətləndirilmiş prosedurla açılıb?” sualına nazir müavini cavab verib: “Prosedurlara əməl olunacaq. Biz beynəlxalq tərəfdaşlarımızın Syunikdə diplomatik nümayəndəliyə malik olmaq marağı və istəyini alqışlayırıq ki, vəziyyətlə daha yaxından tanış olmaq mümkün olsun. Konsulluğun öz vətəndaşlarına xidmət göstərməklə yanaşı digər funksiyaları da var”.
