Xarici işlər nazirinin müavini Vahan Kostanyan jurnalistlərlə keçirdiyi brifinqdə Ermənistan-Azərbaycan sərhədində atəşkəs rejiminin vaxtaşırı pozulmasına toxunub.
“Azərbaycan rəhbərliyinin atdığı addımlar, xüsusən də istər Ermənistan sərhədində, istərsə də Dağlıq Qarabağda vəziyyətin gərginləşməsi regionda sülhün bərqərar olmasına birmənalı olaraq töhfə vermir və Azərbaycanın bu addımlar atılması ilə bağlı bəyanatlarını şübhə altına alır”- deyə o, qeyd edib.
O, regionda nəqliyyat marşrutlarının açılmasına, xüsusən də Rusiya Baş nazirinin müavini Aleksey Overçukun açıqlamalarına da toxunub.
Kostanyan əmin edib ki, Ermənistan üçün embarqonun ləğvinin tərəflərin yurisdiksiyası və suverenliyi əsasında baş tutması prinsiplərini müəyyən etmək vacibdir.
“Əgər bu günə kimi blokadanın aradan götürülməsinin suverenlik və yurisdiksiya çərçivəsində baş verəcəyini müəyyən edə bilməmişiksə, təbii ki, dağıdıcı tərəf Azərbaycandır”.
Nazir müavini onu da vurğulayıb ki, hələ 2021-ci ilin yanvar ayından Ermənistan həmişə konstruktiv olub və blokada prosesinin aradan götürülməsində maraqlı olub.
“Biz regional infrastrukturun və nəqliyyat marşrutlarının qarşısının alınmasında maraqlıyıq, çünki biz hesab edirik ki, “Ermənistan kəsişməsi” layihəsi dünyanın bu gün üzləşdiyi geosiyasi prosesləri və logistika problemlərini nəzərə alaraq böyük potensiala malikdir”.
