“Şərab idxalçısı Luding Group-un direktoru: “Ararat konyakının Rusiyaya tədarükü davam edəcək”
Ararat brendinin Rusiyaya tədarükü istehsalçı ilə mövcud müqavilələr əsasında həyata keçirilir və gələcəkdə də davam etdiriləcək, lazım gələrsə, həll yolu tapılacaqdır” – deyə ölkənin ən böyük şərab idxalçısı olan Luding Group-un icraçı direktoru Ernest Xaçaturyan “RİA Novosti”yə müsahibəsində bildirib.
Mayın sonunda şirkət elan etdi ki, daha öncə ölkəyə məhsullarının ixracını dayandırmaq qərarına gələn Pernod Ricard, Ararat konyak brendi ilə əməkdaşlığa son qoyulması barədə bildiriş almadı və onu Rusiya bazarına tədarük etməyə davam edir.
“Heç nə dəyişməyib, tədarük davam edir. Mən Rusiyanı Araratsız, Araratı isə Rusiyasız təsəvvür edə bilmirəm. Mövcud müqavilələrin hamısı yerinə yetirilir, sonra biz baxıb çıxış yolu tapacağıq.
Yenə də fransız istehsalçısı həm Rusiya ilə, həm də Ermənistanla əlaqələr qurur”- deyə Xaçatryan bildirib.
May ayının ortalarında Pernod Ricard aprelin sonunda bütün beynəlxalq brendlərinin Rusiyaya ixracını dayandırdığını açıqladı.
Bildirilib ki, şirkət ölkə daxilində məhsullarının satışını da dayandıracaq. Şirkətin portfelinə Chivas Regal viskisi, Jameson, Ballantine’s, Absolut arağı, Olmeca tekila, Havana romu və Ararat brendi kimi onlarla brend daxildir.
Mayın ortalarında Ermənistanın iqtisadiyyat naziri Vahan Kerobyan da deyib ki, Pernod Rikarda məxsus Yerevan konyak zavodu öz məhsullarının Rusiyaya ixracını dayandıra bilər.
