Fransa və Ermənistanın ümumi tarixi və qədim əlaqələri var, ona görə də dostluq, eləcə də müdafiə sahəsində əlaqələr qorunmalıdır.
“Armenpress”in məlumatına görə, belə bir yazı Fransanın silahlı qüvvələr naziri Sebastyan Lekornu ER müdafiə naziri Suren Papikyanın səfəri ilə bağlı özünün “Twitter” səhifəsində yazıb.
Fransalı nazir qeyd edib ki, Papikyanın səfəri mühüm hadisə ilə bağlıdır. Fransa prezidenti Emmanuel Makronun fərmanına əsasən, Fransa müqavimət hərəkatının məşhur döyüşçüsü, Fransanın milli qəhrəmanı Misak Manuşyanın Paris Panteonunda yenidən dəfn edilməsi qərara alınıb.
