Artsax Respublikasının Xarici İşlər Nazirliyi ABŞ-nin Ermənistandakı səfirinin bəyanatı ilə bağlı bəyanat yayıb.
XİN bəyanatında qeyd olunur ki, ABŞ ATƏT-in Minsk qrupunun həmsədri kimi Azərbaycan-Qarabağ münaqişəsinin sülh yolu ilə həlli prosesində iştirak edib və etməkdədir.
“Eyni zamanda, hesab edirik ki, vasitəçilərin yanaşmaları danışıqların nəticəsini əvvəlcədən müəyyən etməməlidir. Biz əminik ki, Azərbaycan-Qarabağ məsələsi kimi mürəkkəb və uzunmüddətli münaqişənin həlli münaqişənin bütün tərəfləri və vasitəçilər öz məsuliyyətlərini tam dərk etdiyi, çeviklik, yaradıcı yanaşma, konstruktivlik nümayiş etdirdiyi və beynəlxalq hüquq normalarını, eləcə də ədalət, ləyaqət və azadlıq kimi ümumbəşəri dəyərləri rəhbər tutduğu zaman uğurlu ola bilər.
Hesab edirik ki, bu prinsiplərə sarsılmaz sadiqlik, o cümlədən ATƏT-in Minsk Qrupunun həmsədrliyi dövründə toplanmış vasitəçilik təcrübəsinin tətbiqi münaqişənin ədalətli və hərtərəfli həllinə, regionda sabit və ləyaqətli sülhün bərqərar olmasına töhfə verəcək.
Azərbaycan tərəfindən Artsax xalqına qarşı aşkar soyqırım niyyəti ilə apardığı işğalçılıq və etnik təmizləmə siyasəti, davam edən qeyri-insani blokada, təkrarlanan zorakılıq və təcavüz halları, artan nifrət nitqi və döyüşkən ritorika şəraitində belə bəyanatlar təcavüzkarı sakitləşdirmək siyasətini xatırladır. Tarixi təcrübənin göstərdiyi kimi, bu mövqe Azərbaycan tərəfindən onun dağıdıcı siyasətinin təşviqi kimi qəbul edilir. Bu da yalnız növbəti zorakılığa və insanların iztirablarına gətirib çıxarır.
Biz bir daha vurğulayırıq ki, Azərbaycan-Qarabağ münaqişəsinin ədalətli, balanslaşdırılmış və ləyaqətli həlli axtarışları süni məhdudiyyətlərə malik olmamalı, beynəlxalq hüququn norma və prinsiplərinə, o cümlədən BMT Nizamnaməsində təsbit edilən xalqların bərabərlik və öz müqəddəratını təyinetmə hüququna əsaslanmalıdır.
Yaxın tarixdə və beynəlxalq təcrübədə belə mürəkkəb və uzun sürən münaqişələrin xalqın iradəsi əsasında həllinə dair nümunələr var”, – bəyanatda vurğulanıb.
