Avqustun 14-də Ermənistanın Xarici işlər naziri Ararat Mirzoyan ilə Xorvatiya Respublikasının Xarici və Avropa işləri naziri Qordan Qrliç Radman arasında telefon danışığı olub.
Əvvəlki müzakirələrin, o cümlədən iyulda Dubrovnik forumu çərçivəsində aparılan müzakirələrin davamı olaraq nazir Mirzoyan həmkarına Azərbaycanın Laçın dəhlizinin qeyri-qanuni şəkildə bağlanması ilə bağlı Dağlıq Qarabağda yaranmış humanitar böhranı, fundamental prinsiplərin pozulmasını təqdim edib.
Ararat Mirzoyan Beynəlxalq Ədalət Məhkəməsinin 22 fevral və 6 iyul tarixli qərarlarına uyğun olaraq, Laçın dəhlizi ilə hər iki istiqamətdə sərbəst hərəkəti dərhal bərpa etmək və real təhlükənin qarşısını almaq üçün müxtəlif platformalarda əlavə addımların atılmasının vacibliyini vurğulayıb.
Nazir Mirzoyan bildirib ki, Ermənistan BMT Təhlükəsizlik Şurasına növbədənkənar sessiyanın çağırılması xahişi ilə müraciət edib.
Ermənistanın Xarici işlər naziri Ermənistanın regionda sabitliyin bərqərar olunması istiqamətində konstruktiv yanaşmasını bir daha təsdiqləyib, bununla belə, Azərbaycanın Dağlıq Qarabağda humanitar vəziyyətin davamlı gərginləşməsi ilə siyasi prosesi və Ermənistanın və beynəlxalq ictimaiyyətin səylərini zərbə altına qoyduğunu vurğulayıb.
