Biz Laçın dəhlizinin, xüsusən də kommersiya, humanitar və şəxsi avtomobillər üçün davam edən blokadadan dərin narahatlığımızı davam etdiririk. Hesab edirik ki, bu cür humanitar daşımaların dayandırılması humanitar vəziyyəti pisləşdirir və sülh prosesinə yönəlmiş etimadın yaradılma səylərini sarsıdır.
Bu barədə ABŞ Dövlət Departamentinin mətbuat katibinin müavini Vedant Patel bildirib.
“Biz Azərbaycan hökumətini kommersiya, humanitar və şəxsi avtomobillərin bu dəhlizdən sərbəst keçidini bərpa etməyə çağırırıq. Biz həmçinin bilirik ki, çərşənbə günü Dağlıq Qarabağ məsələsini müzakirə etmək üçün BMT Təhlükəsizlik Şurasının iclası olacaq və orada da müzakirələrin aparılacağını gözləyirik”, o qeyd edib.
ABŞ-ın BMT-dəki mövqeyinin necə olacağı sualına toxunan Patel qeyd edib ki, ABŞ davamlı olaraq vurğuladı və bir daha bəyan edir ki, bu uzun münaqişənin həlli üçün birbaşa dialoq vacibdir.
