Avropa Yenidənqurma və İnkişaf Bankının Qafqaz regionuna yeni rəhbər təyin edilib

Alkis Vrienios Drakinos Avropa Yenidənqurma və İnkişaf Bankının (AYİB) Qafqaz regionu üzrə rəhbəri təyin edilib.

Alkis Vrienios Drakinos bankın Ermənistan, Azərbaycan və Gürcüstandakı əməliyyatlarına rəhbərlik edəcək, üç ölkənin iqtisadiyyatını daha da inkişaf etdirmək, özəl sektoru dəstəkləmək və əsas infrastrukturu inkişaf etdirmək üçün hökumət orqanları və bazarda maraqlı tərəflərlə sıx əməkdaşlıq edəcək.

Drakinos bildirib ki, regionun gələcək inkişafı və dünya iqtisadiyyatına inteqrasiyası üçün böyük potensialı var.

Hazırda Bank Qafqaz regionu ölkələrinə 10 milyard avrodan çox sərmayə qoyub.