Avropa Birliyi Şurasının sədri Şarl Mişel Azərbaycan Prezidenti İlham Əliyevlə telefon danışığı apararaq qeyd edib ki, Dağlıq Qarabağda yaşayan ermənilərin hüquqları və təhlükəsizliyi təmin edilməlidir. Bu haqda Şarl Mişel öz X sosial platformasında yazıb.
“Bu gün səhər atəşkəs rejiminə tam əməl olunduğuna, Azərbaycanın Qarabağ ermənilərinə təhlükəsiz və ləyaqətli münasibət göstərdiyinə əmin olmaq üçün Azərbaycan prezidenti İlham Əliyevlə telefon danışığım oldu. Onların hüquq və təhlükəsizliyi etibarlı şəkildə təmin edilməlidir. Humanitar yardıma dərhal çıxışı təmin etmək lazımdır” – deyərək o, yazıb.
