Ermənistanın yeni hərbi tərəfdaşa ehtiyacı var və Fransa ilə hərbi yardımın göstərilməsi məsələsini müzakirə edir.
Bu barədə Ermənistan prezidenti Vahagn Xaçatryan France 2 telekanalına müsahibədə bildirib.
“Bizə yeni hərbi tərəfdaş lazımdır. Fransa isə müdafiə qabiliyyətimizi gücləndirmək üçün bizə kömək etmək və dəstəkləmək niyyətində olduğunu bildirdi. Hazırda müvafiq danışıqlar aparılır. Məqsədimiz özümüzü müdafiə etmək və Azərbaycanın ambisiyalarını dayandırmaqdır, çünki son məqsəd qonşumuzla sülh şəraitində yaşamaqdır”, – o deyib.
