ER Parlamentinin deputatı Artur Xaçatryan qeyd edib ki, 3+3 formatında keçirilən görüşün yekunlarına dair qəbul edilən birgə bəyanatdan sonra Azərbaycan işğalçı qoşunlarını Ermənistanın suveren ərazilərindən çıxarmalıdır.
“Helsinki Yekun Aktına əsasən ərazi bütövlüyünün tərifi ərazi mübahisələrini sülh yolu ilə həll etmək deməkdir. Bəli, bütün ölkələr, xüsusən qonşu ölkələri münasibətləri güc tətbiq etmədən həll etməlidir. Ona görə də dünən həmin bəyanatı qəbul edən Azərbaycan işğalçı qoşunlarını Vayots Dzor, Syunik və Geğarkunik bölgələrindən çıxarmalı idi. Amma Azərbaycan bir tərəfdən belə bir bəyanatı qəbul edərək, digər tərəfdən işğalçı qoşunlarını Ermənistanda saxlamaqla açıq mesaj verir ki, əgər o sülh sazişi imzalanmasa, heç bir halda “sülhə” getmək istəmir”, – Xaçatryan bildirib.
Deputat vurğulayıb ki, Azərbaycan bütün hərəkətləri ilə sülhün onun üçün məqbul olmadığını göstərir, onun üçün sülh Ermənistanın kapitulyasiyasıdır. Onun sözlərinə görə, Ermənistan öz ərazi bütövlüyünü, Dağlıq Qarabağ əhalisinin siyasi hüquqlarını, o cümlədən öz müqəddəratını təyinetmə hüququnu təmin etmək üçün ona qarşı bütün tədbirləri görməlidir.
