Macarıstan DQ-da erməni mədəni irsinin qorunması üçün müdaxiləyə hazır olduğunu bildirib

Ermənistanın xarici işlər naziri ilə görüşdə Macarıstanın xarici işlər naziri Peter Siyarto Dağlıq Qarabağda erməni mədəni və mənəvi irsinin qorunması üçün müdaxilə etməyə və yardım etməyə hazır olduğunu bildirib.

Bunu Ermənistanın xarici işlər naziri Ararat Mirzoyan ER XİN-də Macarıstanın xarici işlər naziri ilə görüşdən sonra keçirilən birgə mətbuat konfransında deyib.

“Məcburi köçdən sonra Dağlıq Qarabağda erməni mədəni-mənəvi irsi məsələsi daha da kəskinləşdi. Biz əvvəllər YUNESKO-ya, digər beynəlxalq tərəfdaşlara müraciət etmişik, YUNESKO-nun Dağlıq Qarabağa və ətraf rayonlara missiyasının göndərilməsi barədə qərar var idi. Lakin Azərbaycanın yaratdığı bir çox maneələr səbəbindən indiyədək həmin səfər baş tutmayıb. Amma indi həmin missiyaya daha çox tələbat var”, – Mirzoyan bildirib.

Erməni tərəfi ümid edir ki, bu missiyanın səfəri baş tutacaq, bu istiqamətdə işlər aparılır.

Xarici işlər naziri Macarıstanın xarici işlər nazirinə də təşəkkür edib.

“O, erməni mədəni-mənəvi irsinin qorunub saxlanması üçün müdaxilə etmək və yardım etmək arzusunu səmimiyyətlə ifadə edib”, – XİN rəhbəri qeyd edib.