Parlamentin müdafiə və təhlükəsizlik məsələləri üzrə daimi komissiyasının sədr müavini Armen Xaçatryanın sözlərinə görə, Ermənistan-Azərbaycan nizamlanması üzrə danışıqlar prosesində xeyli irəliləyiş var və Azərbaycan razılaşmadığı bir sıra prinsiplərlə razılaşıb. Bunu Xaçatryan jurnalistlərlə keçirdiyi brifinqdə deyib.
“Ən pisi odur ki, danışıqlar ümumiyyətlə baş tutmur. Bu gün danışıqlar prosesində xeyli irəliləyiş var, Azərbaycan bir sıra prinsiplərlə razılaşıb.
Əvvəllər belə razılaşmalar yox idi. Artıq böyük addım atılıb, o, razılaşır, beynəlxalq ictimaiyyət Azərbaycana müəyyən təzyiqlər göstərə bilir. O təzyiqlər müəyyən mənada həyata keçirilir. Fikrimcə, bu qartopu getdikcə böyüyəcək və sülh müqaviləsi Azərbaycanın iştirakı ilə bağlanacaq”, – Xaçatryan qeyd edib.
Onun fikrincə, sülh müqaviləsi birinin digəri ilə güc tətbiqinə səbəb ola biləcək hər hansı probleminin olmamasına təminat deməkdir.
“Sülh müqaviləsi imzalanandan sonra xalqlar arasında hansı münasibətlər formalaşacaq, hansı iqtisadi məsələlər həll olunmağa başlayacaq, bu, artıq ikinci dərəcəli məsələdir”, – deyə Xaçatryan yekunlaşdırıb.
