Ermənistan hökuməti Dağlıq Qarabağdan məcburi köçkünlər üçün təxminən 54 milyard dram ayırıb, indiyədək 16 milyard dram xərclənibdir.
Alınan məlumata görə, bu haqda Ermənistanın Baş naziri Nikol Paşinyan parlament komitələrinin birgə iclasında 2024-cü ilin dövlət büdcəsi haqqında qanun layihəsinin ilkin müzakirələri zamanı deyib.
Baş nazir qeyd edib ki, Dağlıq Qarabağdan məcburi köçkünlərə dəstək proqramlarının bir hissəsi 2024-cü ilin büdcəsində də öz ifadəsini tapacaq.
“Hazırda qəbul edilmiş qərarlarla Dağlıq Qarabağdan məcburi köçkün düşmüş bacı-qardaşlarımıza artıq 54 milyard dram ayırmışıq. Amma indiyədək bu məbləğin 16 milyard dramı xərclənib.
Aydındır ki, onun bir hissəsi də büdcəyə xərclənəcək. 2024-cü ilin dövlət büdcəsi məsələn, mənzil yardımı proqramı 6 aydır və daha 6 ay davam etməlidir” – deyə Paşinyan bildirib.
Ermənistan hökuməti beynəlxalq tərəfdaşlarla da işləyir və humanitar böhranın idarə olunmasında beynəlxalq tərəfdaşların dəstəyinə ehtiyac duyduğunu qeyd edir.
Dağlıq Qarabağdan məcburi köçkün düşmüş 100 000-ə yaxın vətəndaşa artıq 100 000 dram dəstək verilib
