İK: “Biz DQ yüksək rütbəli məmurlarının və digər şəxslərin Azərbaycan tərəfindən əsir götürülməsi məsələsi ilə intensiv məşğul oluruq”

Ermənistan İstintaq Komitəsinin sədri Argişti Kyaramyan Azərbaycanın DQ-da apardığı etnik təmizləmə ilə bağlı cinayət işinin təfərrüatlarını təqdim edib.

Alınan məlumatına görə, jurnalistlərlə keçirdiyi brifinqdə Kyaramyan qeyd edib ki, cinayət işi sırf etnik təmizləməyə aiddir, çünki İstintaq Komitəsinin Dağlıq Qarabağ ərazisində araşdırma aparmaq səlahiyyəti yoxdur.

“Ancaq beynəlxalq humanitar hüququn pozulması halları mövcuddur : təcavüzkar müharibə, müharibə cinayətləri, insanlığa qarşı cinayətlər, o cümlədən soyqırım cinayətinin elementi olan və millətin başına gələn etnik təmizləmə.

 Bununla bağlı cinayət işi var. Üstəlik, bu proses həm hərbi əməliyyatlardan əvvəl baş vermiş reallıqlara, məsələn, Laçın dəhlizinin qanunsuz bağlanmasına, həm də ondan sonra baş vermiş hadisələrə aiddir.

 Biz hamımız şahidi olduq ki, qısa müddət ərzində 100 min sakin ölüm təhlükəsi altında evlərini tərk etmək məcburiyyətində qalıb” – deyə Kyaramyan bildirib.

İK  sədrinin sözlərinə görə, Azərbaycanın Dağlıq Qarabağa təcavüzü nəticəsində təsdiq edilən 16 əsir arasında yüksək vəzifəli olmayan şəxslər də var.

“Biz yüksək rütbəli məmurların və digər şəxslərin ələ keçirilməsi, işgəncələr və insanlığa qarşı hər hansı cinayətlərlə bağlı məsələlərlə çox intensiv məşğul oluruq” – deyərək Kyaramyan vurğulayıb.