Müharibənin əvvəlində Ukraynaya hərbi uğurlarda kömək etdiyi bildirilən Türkiyə istehsalı Bayraktar TB2 pilotsuz uçuş aparatları Rusiya qüvvələrinin hava hücumundan müdafiəsini gücləndirdiyi üçün indi məhdud istifadə olunur.
“Defence News” yazır ki, bu barədə Ukrayna hərbi rəsmisi bildirib. Ukrayna Baş Kəşfiyyat xidmətinin komandiri, polkovnik Volodimir Valiuxun qiymətləndirməsi pilotsuz təyyarələrin Ukraynanın müdafiə hesablamasında əsas rol oynamağa davam etdiyi, lakin yeni taktiki məhdudiyyətlərin meydana çıxdığı bir vaxta təsadüf edir.
“TB2 üçün lazımsız sözdən istifadə etmək istəmirəm, lakin onlardan istifadə edə biləcəyiniz vəziyyətləri tapmaq çətindir”- deyə Valiux qeyd edib.
Onun sözlərinə görə, Ukrayna silahlı qüvvələrinin müxtəlif bölmələri pilotsuz uçuş aparatlarından istifadəni davam etdirir, lakin onların istifadə tezliyi və döyüş meydanındakı rolu dəyişib.
“TB2 üçün son dərəcə minnətdarıq, lakin müharibənin əvvəlində onlardan daha çox istifadə edildi və daha çox zərbələr endirildi”= deyə Valiux qeyd edib.
O, Türkiyənin PUA-nın istifadəsində çətinliklərin Rusiyanın hava hücumundan müdafiə sisteminin uyğunlaşması ilə bağlı yarandığını bildirib.
Baykar şirkəti öz növbəsində Defence News-a bildirib ki, flaqman məhsulunun məhdud faydası ilə bağlı xəbərlərə şübhə ilə yanaşmaq lazımdır.
Baykarın icraçı direktoru Haluk Bayraktar,” Rusiya Ukrayna cəbhəsində yüzlərlə orta və daha uzun mənzilli hava hücumundan müdafiə sistemi yerləşdirdiyi üçün bu, işləmək çətin bir mühitdir”- dedi və izah etdi ki, hazırda PUA-lar əsasən gündəlik hədəf uçuşlar üçün istifadə olunur.
Mətn factor.am-ə məxsusdur.
