Ermənistan RF-nı Rusiya telekanalları ilə bağlı məsələləri müzakirə etmək üçün məsləhətləşməyə dəvət edib
Verilən məlumaaəsasən, bu haqda Baş nazir Nikol Paşinyan canlı yayımda vətəndaşların suallarını cavablandırarkən deyib.
Paşinyan xatırladıb ki, 2020-ci il dekabrın 30-dan Ermənistan və Rusiya arasında kütləvi telekommunikasiya sahəsində Ermənistan və Rusiya hökumətləri arasında əməkdaşlıq haqqında saziş qüvvədədir.
Onun sözlərinə görə, bu müqaviləylə Rusiya telekanallarının Ermənistanda və Ermənistan telekanallarının Rusiyada yayım şərtləri ilə bağlı Ermənistan-Rusiya münasibətlərini tənzimləyir.
“Burada olduqca aydın tənzimləmə var ki, ölkənin daxili işlərinə qarışmağa, ölkədə daxili siyasi sabitliyi pozmağa cəhdlər edilməməlidir.
Bizim dövlət qurumlarımız, Televiziya və Radio komissiyası, Yüksək Texnologiyalar Sənayesi nazirliyi, xüsusən də son aylarda, bizim qənaətimizcə, qeyd olunan müqavilələri pozan müəyyən problemlər qeydə alıb.
Ermənistan və Rusiya arasındakı dostluq münasibətlərini və mövcud reallıqları nəzərə alaraq, Yüksək Texnologiyalar Sənayesi nazirliyi Rusiya tərəfini rəsmi məktubla məsləhətləşmələrə dəvət edib ki, biz bu vəziyyəti müzakirə edək və nəticələrin və ya hadisələrin nə olacağını başa düşək”- deyərək baş nazir qeyd edib.
Paşinyan ümid edir ki, bu məsləhətləşmələr mümkün qədər tez baş tutacaq ki, bu məsələ normal, işgüzar və dostluq şəraitində həllini tapsın.
