Brüsseldə keçirilən Avropa Ittifaqının Şərq Tərəfdaşlığı Xarici İşlər Nazirləri Konfransı çərçivəsində ER xarici işlər nazirinin ikitərəfli görüşləri keçirilib. Lüksemburq Böyük Hersoqluğunun Xarici İşlər Naziri Xavier Bethel ilə söhbətdə Lüksemburqda diplomatik nümayəndəliyin və rezident ofisin yaradılmasına əhəmiyyət verilib, bu isə ölkələr aasında tərəfdaşlığı dərinləşdirəcək. Xarici işlər naziri Slovakiyanın xarici işlər naziri Yuray Blanar ilə də görüşüb.
Aİ Şərq Tərəfdaşlığı Konfransı çərçivəsində xarici işlər nazirlərinin görüşündən sonra Avropa İttifaqının ali nümayəndəsi Cozep Borel bildirib ki, Aİ Ermənistandakı müşahidə missiyasının müşahidəçilərinin sayını 138-dən 209-a çatdırmaq qərarına gəlib. O, bu qərarı Ermənistanla Azərbaycan arasında sərhədin sabitliyini artırmaq yolu hesab edib.
Politoloq Robert Qevondyan xatırladır ki, bu qərar yeni deyil, bəzi texniki problemlərə görə gecikdirilib. Bu qərar təbii ki, Bakının narazılıqlarına səbəb olub.
“Aİ müşahidəçilərinin iştirakı Azərbaycanın təxribatlara əl atma ehtimalını müəyyən qədər məhdudlaşdırır, çünki Bakı danışıqlarda güclü mövqedən çıxış etməyə çalışır”.
Politoloqun sözlərinə görə, Bakının təxribatlarının iki məqsədi var: beynəlxalq aləmə yalan danışmaq və Ermənistanın “təxribatlarına” cavab verdiyini göstərmək. Digər tərəfdən, bəzi məsələlərdə uğur qazanmaq üçün Ermənistana təzyiq etmək üsuludur.
Politoloq hesab edir ki, Aİ müşahidəçilərinin iştirakı əslində beynəlxalq ictimaiyyəti aldatmağa imkan verməyəcək.
Şərq Tərəfdaşlığı ölkələrinin nazirlər görüşündə ER XİN rəhbəri Ararat Mirzoyan qeyd edib ki, Ermənistan Aİ-nin əhəmiyyətli dəstəyi ilə demokratiya yolunu davam etdirməklə yanaşı, həm də Aİ ilə daha da yaxınlaşmağa sadiqdir. O vurğulayıb ki, Ermənistan hökumətinin regionda sabit və davamlı sülh yaratmaq üçün siyasi iradəsi var.
Sülh gündəliyi çərçivəsində Mirzoyan “Sülh kəsişməsi” layihəsini təqdim edib.
Xarici işlər nazirlərinin Bussel görüşündə Azərbaycanın xarici işlər naziri Bayramov Ermənistanı ikitərəfli formatda işləməyə çağırıb. O, birbaşa şəkildə deyib ki, Aİ-nin verdiyi bəzi bəyanatlar həmin strukturun qərəzsiz vasitəçisinə etimada kölgə salır.
Politoloq Bakının Yerevanın çoxşaxəli siyasətinə qarşı çıxmasını təbii hesab edir.
“Ümumi proses ikitərəfli müstəviyə keçərsə, Aİ müşahidəçiləri Azərbaycanı o qədər də narahat etməyəcək. Burada qaranların, üçüncü, dördüncü, beşinci tərəflərin olmaması Bakı üçün daha vacibdir, çünki Ermənistan mümkün qədər prosesi şaxələndirməyə çalışır. Bu həmin tərəflər Azərbaycana güc mövqelərindən, regiondakı hegemon dövlətin mövqelərindən danışmağa imkan vermirlər, buna görə də Bakı hər yolla digər qüvvələrin iştirakını aradan qaldırmaq istəyir”.
Xatırladaq ki, xarici işlər nazirlərinin Brüssel görüşündən sonra birgə bəyanat qəbul edilib və orada Avropa İttifaqının Şərq Tərəfdaşlığının bərpası və islahat gündəminin həyata keçirilməsi və çağırışlarla üzləşməsi üçün səylərini gücləndirəcəyi xüsusi şəkildə qeyd olunub.
Brüssel konfransı hələ də davam edir. Şərq Tərəfdaşlığı proqramında iştirak edən altı ölkədən beşinin – Ukrayna, Moldova, Gürcüstan, Ermənistan və Azərbaycanın xarici işlər nazirləri iştirak edir.
