Bakı Yerevanın qoşunların sərhəddən çıxarılması təklifini rədd etsə də, Ermənistan parlamentinin sədri hesab edir ki, məsələ hələ də gündəmdədir və Alen Simonyanın sözlərinə görə, Azərbaycanın xarici işlər nazirinin cavabı yekun deyil. Parlament rəhbəri aydınlaşdırıb ki, erməni tərəfi qoşunların bir-iki kilometr geri çəkilməsini təklif edir.
“Söhbət sərhədçilərdən getmir, təmas xəttində sərhədçlərin dayanması bizim üçün daha yaxşı olardı və o variant hələ də qüvvədədir, təklif gündəmdədir. Düşünürəm ki, Bakı bir daha həmin təklifi nəzərdən keçirməli və müvafiq cavab verməlidir”, – Simonyan bildirib.
Əgər Bakı qoşunların aynalı çıxarılması ilə razılaşarsa, bu o demək olacaqmı ki, Azərbaycan silahlı qüvvələri Ermənistanın işğal olunmuş ərazilərindən çıxmalıdır? Parlamentin sədri deyib ki, bu təklif başqa şeylə bağlıdır.
“Gərginliyi azaltmaq, mümkün atışmaların və toqquşmaların qarşısını almaq üçün sərhədlərin müəyyənləşdirilməsi və geri çəkilməsindən danışırıq”, – Simonyan vurğulayıb.
Rəsmi Yerevan 2021-ci ilin mayında Azərbaycan silahlı qüvvələrinin Syunik rayonunun Sev gölü ərazisini işğal etdiyi zaman ilk dəfə olaraq qoşunların sərhəddən çıxarılmasından danışdı, o zaman Bakı heç bir reaksiya vermədi.
Bu yaxınlarda xarici işlər naziri Ararat Mirzoyan bu barədə danışaraq, Bakı ilə bu məsələdə razılığa gəlməyə ümid etdiyini bildirib. Azərbaycanın xarici işlər naziri bu təklifi nəinki qəbul etməyib, əksinə Azərbaycan silahlı qüvvələrinin öz ərazilərində dayandığını bildirib.
Hakim partiyanın digər nümayəndəsi, deputat Arsen Torosyan isə Bakının bu iddiasını əsassız sayır. Onun fikrincə, Azərbaycan danışıqlarda mövqelərini gücləndirdiyi üçün Ermənistan tərəfinin təklifini rədd edir, halbuki Bakının məqsədi real sülhdürsə, bu və digər elan edilmiş prinsiplərlə razılaşmalıdırlar.
“Onlarda qəribə bir şey var ki, xəritələr yoxdur, sərhədləri müəyyən edilməyib, əslində hər şey var və 1991-ci ildə Alma-Ata bəyannaməsi ilə iki respublika öz inzibati, sovet sərhədləri ilə müstəqil olublar. ”, – Torosyan bildirib.
Qeyd edək ki, 2021-ci ildən sonra Azərbaycan silahlı qüvvələri nəinki Ermənistanın işğal etdiyi ərazilərdən geri çəkilməyib, həm də qısa müddətdə istehkam və quruculuq işlərini həyata keçirib.
