Ermənistanın təcili mühafizəyə ehtiyacı olan qeyri-maddi mədəni irs dəyərlərinin siyahısı genişləndirilib

Ermənistanın qeyri-maddi mədəni irsinin təcili qorunmasına ehtiyacı olan dəyərlərin siyahısına 14 dəyər əlavə edilib.

Dekabrın 25-də ER Təhsil, Elm, Mədəniyyət və İdman nazirinin müavini Alfred Koçaryan jurnalistlərlə görüşündə belə deyib və əlavə edib ki, 11 qeyri-maddi mədəni irs qrant proqramı həyata keçirilib.

“Beynəlxalq əməkdaşlıq bizim üçün çox vacib istiqamətdir. Sevindirici hal ondan ibarətdir ki, Qeyri-Maddi Mədəni İrsin Mühafizəsi üzrə Konvensiyanın 18-ci hökumətlərarası sessiyası zamanı “Gyumri dəmirçilik ənənəsi” ərizəsi qeydə alınıb, “Tatev monastır kompleksləri və Vorotan vadisinin ona bitişik əraziləri” ilə bağlı ərizə də təsdiq edilib. Söhbət 60 min avrodan gedir, hansı ki, bu yaxınlarda Parisdə YUNESKO-nun ofisində təsdiqlənib”, – deyə Koçaryan bildirib.

Alfred Koçaryan Dağlıq Qarabağın mədəni irsinə toxunaraq, Dağlıq Qarabağın mədəni irsinin inventarlaşdırılması üçün özəl sektor və alimlərlə əməkdaşlıq etdiklərini qeyd edib.

“Biz beynəlxalq platformalardan istifadə etməyə və Azərbaycana mümkün qədər təzyiq göstərməyə çalışırıq ki, abidələrə zərər vurmasınlar. Biz artıq üç ildir ki, Dağlıq Qarabağa YUNESKO-nun faktaraşdırıcı missiyası göndərməyə çalışırıq”, – deyə o bildirib.