Erməni tərəfi Azərbaycanla 1974-1978-ci illərin Sovet xəritələrini əsas qəbul edərək qoşunların güzgüvari geri çəkilməsinə dair danışıqları davam etdirir. Bu haqda jurnalistlərə açıqlamasında ER Təhlükəsizlik Şurasının katibi Armen Qriqoryan bəyan edib..
Güzgüvari geri çəkilmə ideyası ilk dəfə ER Baş naziri Nikol Paşinyan tərəfindən hələ 2021-ci ilin mayında, Azərbaycan silahlı qüvvələri ER-nin bir sıra Syünik və Geğarkunik bölgələrinin suveren ərazisini işğal edən zaman səsləndirilib.
“Danışıqlar davam edir və ümid edirik ki, bu istiqamətdə uğur əldə edə bilərik” – deyərək Təhlükəsizlik Şurasının katibi jurnalistlərin Azərbaycanın əvvəllər Ermənistanın təklifinə qəti şəkildə “yox” deməsi ilə bağlı fikirlərini cavablandırıb.
Qriqoryan Ermənistanın sülh müqaviləsi ilə bağlı təqdim etdiyi son mətndə Azərbaycanın müsbət cavab verdiyi dəyişiklikləri şərh etmək istəməyib. Xüsusən, Azərbaycan qeyd edib ki, böyük irəliləyiş var və son təklif əvvəlkilərdən fərqlənir, onlar üçün məqbul olan məqamlar çoxsaylıdır.
“Gələcəkdə sülh sazişi üzrə daha aydın irəliləyiş əldə edilərkən bu barədə danışacağıq. Danışıqlar o mənada davam edir ki, mətnlər mübadiləsi aparılır. Ümid edirəm ki, tezliklə daha məzmunlu müzakirələr üçün fürsət yaranacaq və onların nəticəsində biz ictimaiyyət qarşısında daha aydın danışacağıq” – deyə Qriqoryan bildirib.
Ermənistan-Azərbaycan danışıqlarının yaxın vaxtlarda gözlənilməsi ilə bağlı suala gəlincə, Qriqoryan qeyd edib ki, Ermənistan buna hazır olduğunu bildirib, indi onlar həmkarlarının reaksiyasını gözləyirlər.
.
