İranın Milli qaz şirkəti (NIGC) bildirib ki, Türkmənistan və Azərbaycan Respublikası iki ölkə arasında İran vasitəsilə qaz mübadiləsinin dayandırılmasına səbəb olan problemin həlli üçün danışıqlar aparır.
İRNA İranın Neft nazirliyinə məxsus NIGC-yə istinadən xəbər verir ki, qaz mübadiləsinin dayandırılması müvəqqətidir və problem həll edildikdən sonra ötürülmə bərpa olunacaq.
2021-ci ilin noyabrında İran, Türkmənistan və Azərbaycan gündə 5-6 milyon kubmetr qaz mübadiləsi haqqında saziş imzalayıb. Müqaviləyə əsasən, İran Türkmənistandan qaz alır və ona ekvivalent məbləği Azərbaycana ötürür.
Üçtərəfli razılaşma İrana xüsusilə qışda Şimal əyalətlərini qazla təmin etməyə də kömək edir.
