Kerobyan yoxsulluq səviyyəsinin əhəmiyyətli dərəcədə azalacağını gözləyir
Ermənistanın İqtisadiyyat naziri Vahan Kerobyan 2023-cü ildən yoxsulluğun əhəmiyyətli dərəcədə azalacağını gözləyir. Nazir bunu 2023-cü ilin yekun mətbuat konfransında deyib.
Kerobyan vurğulayıb ki, yoxsulluğun səviyyəsinin azaldılması hökumət üçün çox vacib göstəricidir.
“2022-ci ildə yüksək inflyasiya və yüksək iqtisadi artım mühitində yaşadığımız zaman beynəlxalq tərəfdaşlarımız yüksək inflyasiyanın yoxsulluğun 40 faizə qədər artmasına səbəb ola biləcəyi barədə xəbərdarlıq etdilər. Amma hökumətimizin mütərəqqi tədbirləri sayəsində biz nəinki yoxsulluğun səviyyəsinin artmasına imkan vermədik, həm də cüzi azalmanı təmin etdik.
Yəni yoxsulluq 26,5 faizdən 24,8 faizə endirilib. 2023-cü il üçün isə yenə yüksək iqtisadi artım, lakin aşağı inflyasiya var ki, bu da yoxsulluğun əhəmiyyətli dərəcədə azalacağına ümid etməyə imkan verir”, – Kerobyan bildirib.
