Dağlıq Qarabağdan məcburi köçkünlər üçün yeni proqram – Dövlət onların təhsil almasına, işə qəbul olunmasına dəstək verəcək

Dağlıq Qarabağdan məcburi köçkünlər üçün yeni proqram hazırlanıb. Dövlət onların təhsil almasına, işə qəbul olunmasına dəstək verəcəkdir.

Hökumət 2023-cü ildə Dağlıq Qarabağdan məcburi köçkünlərin peşə hazırlığının və iş təcrübəsinin təşkilinə dəstək proqramını təsdiqləyib.

Layihəni təqdim edən əmək və sosial məsələlər naziri Narek Mkrtçyan qeyd edib:

“Biz Dağlıq Qarabağdan məcburi köçkün düşmüş vətəndaşlarımızla bağlı ortamüddətli planların həyata keçirilməsi mərhələsinə qədəm qoymuşuq və bu layihə həm insan kapitalının inkişafı, həm də məşğulluq proqramları məzmununa malikdir.

Proqram 3 komponentdən ibarətdir. Birincisi, peşə hazırlığı, ardınca isə ən azı 3 aylıq məcburi iş. İkinci halda ödənişli staj, ardınca ən azı 3 ay işlə təmin olunmaqla, üçüncü komponentdə isə hamısı birlikdə peşə hazırlığı, ödənişli staj və iş”.

Birinci istiqamət – 5 aya qədər davam edən peşə hazırlığının təşkilidir. Peşə təhsili başa çatdıqdan sonra işəgötürənlə benefisiar arasında ən azı 3 ay müddətinə əmək müqaviləsi bağlanır.

İkinci istiqamət – işəgötürənlə işçi arasında ən azı 6 ay müddətinə əmək müqaviləsinin bağlanmasıdır.

Layihədə 1000-ə yaxın benefisiarın proqrama daxil edilməsinə baxılması təklif edilir ki, bunun üçün 816150,0 min drama yaxın vəsait tələb olunur.

Layihənin qəbulu ilə əlaqədar ER 2024-cü il dövlət büdcəsi xərclərinin 816 150,0 min dram artırılması nəzərdə tutulur.