Siyasi məsələlərin müzakirəsi zamanı AŞ-da Ermənistanın daimi nümayəndəsi, səfir Arman Xaçatryan Azərbaycanın ali siyasi rəhbərliyinin son bəyanatlarını Nazirlər komitəsinə təqdim edib və onların sülh prosesinə ciddi mane ola biləcəyini vurğulayıb.
Səfir Xaçatryan qeyd edib ki, Azərbaycanın hərbi ritorikası, əldə edilmiş razılaşmaları rədd etməsi və Ermənistana yeni tələblər irəli sürməsi regionda sülh və sabitliyin bərqərar olmasına kömək etmir.
Səfir Azərbaycanın regionda vəziyyəti pisləşdirməməsi üçün Nazirlər Komitəsini ardıcıl olmağa və aydın addımlar atmağa çağırıb.
Səfir Xaçatryan çıxışı zamanı Avropa Şurasının insan hüquqları üzrə komissarı Dunya Miatoviçin Ermənistan, Azərbaycan və Dağlıq Qarabağa səfəri nəticəsində insan haqlarının vəziyyəti ilə bağlı dərc etdiyi hesabatdan da danışıb.
Bununla bağlı səfir vurğulayıb ki, komissar Miatoviçin qeydləri Azərbaycanın Laçın dəhlizinin bağlanması və Dağlıq Qarabağ ermənilərinin məcburi köçürülməsi halları ilə bağlı əsassız iddialarını açıq şəkildə göstərir.
Səfir Xaçatryan çıxışını Ermənistanın regionda əvvəllər razılaşdırılmış prinsiplər əsasında uzunmüddətli sülh prosesinə sadiqliyini təsdiqləməklə yekunlaşdırıb.
