ER yüksək texnologiyalar sənayesi naziri Mxitar Hayrapetyan Yerevan Riyazi Maşınları Zavodunda (Mergelyan İnstitutu), Hatuk Kap, Geokosmos QSC və Davaro MMC-də olub, şirkətlərin strukturu və fəaliyyəti ilə tanış olub, işçilərlə söhbət edib.
Mxitar Hayrapetyan “Yerevan Riyazi Maşınları Zavodu” QSC-nin binalarını gəzib, istehsal imkanları, zavodun hazırkı vəziyyəti və aparılan təmir işləri ilə tanış olub. “Special Connection” şirkətində nazirə şirkətin fəaliyyəti və əldə etdiyi nailiyyətlər, problemlər və onların həlli imkanları təqdim olunub.
Nazir həmçinin “Geokosmos” QSC-yə tanışlıq səfəri edib, cari və qarşıda duran proqramlar, şirkətin kosmik fəaliyyət sahəsində əməkdaşlığının çərçivələri ilə tanış olub. Turun sonunda Mxitar Hayrapetyan erməni pilotsuz təyyarələri istehsal edən “Davaro” şirkətinə baş çəkib. Görüşlər zamanı nazir vurğulayıb ki, hər bir problemə institusional yanaşılmalı, onların əsaslı həlli yolları göstərilməli, xidmətin keyfiyyət göstəriciləri yüksəldilməlidir.
