Brüsselə rəsmi səfəri çərçivəsində Daxili işlər nazirinin müavini Arpine Sarkisyan və Daxili işlər nazirliyinin miqrasiya və vətəndaşlıq xidmətinin rəisi Armen Ğazaryan Avropa Komissiyasının Miqrasiya Baş Direktorluğunun rəhbəri ilə ikitərəfli görüşlər keçirib.
Tərəflər Daxili işlər nazirliyinin formalaşdırılması, polis, xilasetmə, miqrasiya və vətəndaşlıq xidmətlərində islahatlar prosesi, ER-AB əməkdaşlığının müəyyən istiqamətlərdə genişləndirilməsi məsələlərini müzakirə ediblər.
Daxili işlər nazirinin müavini qeyd olunan istiqamətlər üzrə Avropa İttifaqı ilə səmərəli tərəfdaşlığın vacibliyini vurğulayaraq, atılan və planlaşdırılan addımların ictimai təhlükəsizliyin təminatının mühüm tərkib hissəsi olduğunu qeyd edib.
Arpine Sarkisyan xilasetmə xidməti sahəsində yeni əməkdaşlıq gündəliyinin formalaşdırılmasının vacibliyini vurğulayıb. Söhbət zamanı vizanın liberallaşdırılması məsələsinə də toxunulub. ER -nın bu istiqamətdə fəaliyyət planı hazırlamağa və onu ardıcıl surətdə həyata keçirməyə hazır olduğu vurğulanıb.
