Jurnalistin verdiyi məlumata görə, Ermənistan Prezidenti Vahaqn Xaçaturyan Bağdad Universitetində tələbələrlə görüşərkən tələbələrdən birinin Fələstin məsələsində Ermənistanın mövqeyi necədir sualına cavab verib.
“Ermənistanın Fələstin münaqişəsi ilə bağlı dəqiq mövqeyi var. Bu barədə danışmaq fürsətimiz oldu. Bizim mövqeyimiz belədir:
biz iki dövlətin mövcudluğu faktını qəbul edirik. Biz bu mövqeyimizi müxtəlif platformalarda, o cümlədən BMT-nin müxtəlif qətnamələrinin qəbulu zamanı açıq şəkildə ifadə etmişik.
“Biz ilk gündən münaqişəyə son qoymağa və nəinki məsələni hərbi əməliyyatlarla həll etmək, əksinə danışıqlar meydanına girib məsələni danışıqlar masası arxasında həll etməyə çağırırıq”-deyə ER Prezidenti qeyd edib.
Vahaqn Xaçaturyan deyilənlərin münaqişənin hər iki tərəfinə aid olduğunu vurğulayıb və qonşuların dinc yanaşı yaşaması prinsipinin işləməli olduğunu vurğulayıb.
ER prezidenti əlavə edib ki, bu münaqişənin davam etməsi təkcə region üçün deyil, bütün dünya üçün böyük təhlükədir.
