Nazir müavininin proqnozuna görə, Ermənistan üçün qazın qiyməti ən azı 8 il ərzində dəyişməyəcək

Ermənistan Respublikasında qazın qiyməti sonuncu dəfə beş il əvvəl, 2019-cu il Yanvarın 1-də müəyyən edilib. Bu barədə Ərazi idarəetmə və infrastruktur nazirinin müavini Hakob Vardanyan Parlamentin Regional və Avrasiya inteqrasiyası üzrə daimi komissiyasının iclasında deyib.

“Hər il bu müzakirələr və narahatlıqlar var, lakin Ermənistan Respublikasında qazın qiyməti 5 ildir ki, sabitdir və, əgər dünyada böyük geosiyasi və bazar dəyişiklikləri olmayacaqsa, qazın qiymətinin ən azı 8 il ərzində dəyişməz qalacağı ehtimalı çox yüksəkdir. Əgər qaz 3000 dollar səviyyəsində sabitləşərsə, Ermənistan üçün 160 dolları saxlamaq çətin olacaq. Amma gördük ki, Avropada və beynəlxalq bazarlarda qazın qiyməti 2000-3000 dollar olanda Ermənistanda 165 dollar qiymət saxlanılıb və bizim işimiz, əgər dünyada belə impulslar olarsa, qazın qiymətini saxlamaq və ya aşağı salmaq üçün bütün imkanlardan istifadə etməyə yönəlib”-deyə nazir müavini bildirib.

Nazir müavininin sözlərinə görə, 2022-ci ildə əlavə saziş imzalanıb ki, ona əsasən, ER qazı 2031-ci ilə qədər müəyyən mexanizmlər nəzərə alınmaqla cari dəyərdə qalmalıdır.