Ermənistan KTMT-yə üzvlüyünü dayandırdığını elan edir və onun niyə dayandırıldığını izah etmir. Bu haqda Artsax Təhlükəsizlik Şurasının keçmiş katibi Samvel Babayan jurnalistlə söhbətində qeyd edib.
“Mən bir dəfə açıq şəkildə və yazılı şəkildə hazırkı hakimiyyətə onun dondurulması ilə bağlı fikrimi bildirdim. Səbəb odur ki, Belarus KTMT üzvü kimi hətta Rusiyanın da satmadığı silahları, “Polonez”ləri və digər silahları Azərbaycana verib və KTMT çərçivəsində Azərbaycana lobbiçilik edir.
Yəni Belarus maraqlı tərəfdir və bu strukturda Azərbaycanın maraqlarına lobbiçilik edir. Mərkəzi Asiya ölkələri də eyni vəziyyətdədir, Azərbaycan həmin ölkələrə 20 milyarddan çox sərmayə qoyub, lobbiçilik edir, bunu gizlətmirlər.
Azərbaycanın qələbəsini təbrik edərək, hər şeyi etdilər ki, Rusiya, KTMT 2020-ci il müharibəsində heç bir mövqe formalaşdırmasın.
Yəni orada bizim müttəfiqimiz yoxdur. Bizim Rusiya ilə münasibətlərimiz var, digərləri daha çox azərbaycanpərəstdir. 6 nəfərdən 4-nün sizə qarşı olduğu ailədə sual yaranır: sən orada nə edirsən?
Ona görə də mən Rusiya ilə birbaşa yol xəritəsi təklif etdim ki, müqavilələri dəyişdirək, Rusiya normallaşana qədər, o ailədə nəzarət olacaq, kimin hara getdiyini biləcəyik.
Bütün bunlardan sonra KTMT-də qalmaq üçün daha nələr olmalıdır, niyə qalmalıyıq, nə etməliyik, hansı problemi həll etməliyik?
Aydın deyilmi ki, hətta Rusiyanın istəyi olduğu halda bu dövlətlər Ermənistanın sərhədlərini qorumaq üçün qoşun yeridilməsinin əleyhinədirlər? Ona görə də mən onlara 2021-ci ildə Rusiya ilə birbaşa dialoqa oturmağı təklif etmişəm”- deyə Samvel Babayan bildirib.
