Yerevanda “Narın rəngi” erməni-fransız rəqs tamaşasının premyerası olacaq

ER Təhsil, elm, mədəniyyət və idman nazirliyinin dəstəyi ilə A. Spendiaryanın Opera və balet milli akademik teatrında Martın 15-da və 16-da saat 19:00-da Sergey Paracanovun 100 illiyinə həsr olunmuş “Narın rəngi” erməni-fransız rəqs tamaşası təqdim olunacaq.

Tamaşanın müəllifi Fransada tanınmış rəqs müəllimi Murad Merzukidir. İdeyanın müəllifi Fransada fəaliyyət göstərən “Sate-Atğı” teatr birliyinin bədii rəhbəri Sate Xaçatryandır. Tamaşanın musiqisini “Hoğ Artun” qrupu, geyimlərini isə Edqar Manukyan hazırlayıb.

Tamaşada iştirak edən yeddi rəqqasdan ikisi Ermənistan Respublikasından dəvət olunub. Sate Xaçatryanın dəvəti ilə Murad Merzuk onun köməkçisi Kader Belmoktarın müşayiəti ilə A. Spendiaryan Opera və balet milli akademik teatrında hip-hop rəqs dərsləri keçəcək.

“Narın rəngi” tamaşası hip-hopu erməni ənənəvi rəqsi və erməni ənənəvi musiqisini elektro musiqi ilə birləşdirən müxtəlif mədəniyyətlər və incəsənətin müxtəlif sahələri arasında unikal dialoqdur. Bu, Sergey Paracanovun sənətinin bütün poeziyasını səhnədən tamaşaçılara çatdırmaq cəhdidir.

Layihənin həmtəşkilatçıları Auvergne-Rhone-Alp regionu, Fransanın Ermənistandakı səfirliyi, Ermənistandakı Fransız institutu, həmçinin Erməni ümumi xeyirxahlar birliyinin Fransa bölməsidir. Layihənin tərəfdaşı Milli xalq mahnısı və rəqsləri mərkəzidir.

Yanvarın 19 və 20-də Fransanın Dessin şəhərindəki Toboqan teatrında “Narın rəngi” rəqs tamaşasının premyerası olub.