Hindistan Ermənistanı digər,daha böyük bazarlara, o cümlədən Avrasiya iqtisadi birliyinin bazarına çıxmaq üçün vacib körpü hesab edir. Bu barədə Martın 14-də Ermənistanın Beynalxalq ticarət palatasının milli komitəsinin (ICC NCA) baş katibi Raffi Semercyan “Hindistan-Ermənistan: biznes üfüqlərinin birləşdirilməsi” biznes-konfransı çərçivəsində jurnalistlərlə söhbətində bildirib.
Bu kontekstdə, o, Hindistan mallarının Ermənistandan digər ölkələrə yenidən ixracı sahəsinin inkişafı barədə düşünməyə çağırıb.
Onun sözlərinə görə, Ermənistan və Hindistan arasında birbaşa uçuşların açılması bizim iki qonşumuzun artıq belə uçuşların həyata keçirilməsini də nəzərə alaraq, münasibətlərin və biznes əlaqələrin inkişafı baxımından mühüm addım olardı.
“Tədbirin məqsədi əlaqələrin, xüsusilə yüksək texnologiyalar və turizm sahələrində möhkəmləndirilməsidir. Hindistan nağdsız hesab sahəsində böyük imkanlar açır, çünki qlobal nağdsız hesabların 45 faizi Hindistanda həyata keçirilir. Qurulmuş akademik əlaqələr vacibdir. Bütün bunları kapitallaşdırmaq və irəliləmək, Hindistanın iri şirkətlərinə dəstək vermək lazımdır ki, onlar Ermənistan iqtisadiyyatına sərmayə qoya bilsinlər” – deyə Semercyan qeyd edib.
O, məlumat verib ki, ilin sonunda daha böyük erməni-hind biznes-konfransı təşkil oluna bilər.
