Ermənistanın xüsusi tapşırıqlar üzrə keçmiş səfiri Edmon Marukyan vəzifəsindən azad edildikdən sonra AŞ prezidenti Şar Mişelin etdiklərindən utandığını deyib.
Marukyan X mikrobloqunda Şarl Mişelin Rusiya prezident seçkiləri ilə bağlı yazısına cavab verib.
“Avropa Şurasının prezidenti Şarl Mişel Rusiya Federasiyasının prezidenti Vladimir Putini Rusiyada prezident seçkilərinin başlanması münasibəti ilə ironik şəkildə təbrik edərək qeyd edib ki, müxalifət yoxdur, azadlıqlar yoxdur, seçkilər də yoxdur. Şarl Mişel AB standartlarını bərabər şəkildə tətbiq etsəydi, mən bu ironik təbrikə cavab verməzdim.
Həmin Şarl Mişel bir neçə gün əvvəl Azərbaycan prezidenti İlham Əliyevi yenidən prezident seçilməsi münasibətilə təbrik edib, ona yeni mandatla bağlı xoş arzular göndərib.
Qəribədir, amma 2003-cü ildə atasından Azərbaycan prezidentliyini miras alan, 21 ildir hakimiyyətdə olan və 92,05 faiz səslə 5-ci dəfə prezident seçilən Əliyevə ünvanlanan təbrikdə heç bir ironiya yoxdur. O deməyib ki, Azərbaycanda müxalifət, azadlıq, seçim yoxdur.
Siyasi məhbuslar, kütləvi insan haqları pozuntuları, Azərbaycanda və mühacirətdə olan jurnalistlər, təqib olunan jurnalistlər və bloggerlər haqqında bir kəlmə də yoxdur.
Hər ikimiz ALDE (Avropa Uğrunda Liberallar və Demokratlar Alyansı) partiyasının üzvü olduğumuz üçün bu adamın davranışından və ikili standartlar praktikasından utanıram və bu adam Aİ-ni təmsil edir.
Bir şeyə görə sevinirəm ki, bu ikiüzlü şəxsin səlahiyyət müddəti başa çatır və ümid edirəm ki, gələcəkdə Aİ-yə rəhbərlik edəcək daha adekvat fiqurlar görəcəyəm”.
Bizi “Telegram”da da izləyin. ➤ “Telegram” kanalımız: https://t.me/ermenistanradio
