NATO-nun baş katibi Yens Stoltenberq Ermənistanın baş naziri Nikol Paşinyana Ermənistan və region üçün daha parlaq gələcək qurmağa yönəlmiş fəaliyyətinə görə təşəkkür edib.
“Armenpress”in məlumatına görə, bunu Stoltenberq Yerevanda Ermənistanın baş naziri Nikol Paşinyanla görüşdən sonra verdiyi açıqlamada deyib.
Stoltenberq və Paşinyan Ermənistanın daxili islahatlarının irəliləyişindən də danışıblar.
“NATO-nun xoşməramlılığı artırmaq proqramında iştirakınız da daxil olmaqla silahlı qüvvələriniz üzərində demokratik nəzarəti gücləndirmək üzərində işləməyinizi alqışladım. Siz həmçinin korrupsiyaya qarşı mübarizədə, demokratik təsisatların möhkəmləndirilməsində və qanunun aliliyinin qorunmasında real sadiqlik nümayiş etdirdiniz”, – NATO-nun baş katibi bildirib.
Ermənistanın baş nazirinə müraciət edən Stoltenberq deyib. “Məni səmimi qəbul etdiyinizə və ölkəniz və regionunuz üçün daha parlaq gələcək qurmaq üçün fəaliyyətinizə görə bir daha təşəkkür edirəm”.
Mən həmçinin ümid edirəm ki, biz Cənubi Qafqazda və onun hüdudlarından kənarda daha böyük sülh, sabitlik və firavanlıq naminə birgə çalışaraq tərəfdaşlığı gücləndirməyə davam edəcəyik.
