Ermənistanla Azərbaycan arasında delimitasiya və demarkasiya prosesi Alma-Ata Bəyannaməsi əsasında aparılmalıdır.
“Armenpress”in məlumatına görə, bunu Ermənistanın baş naziri Nikol Paşinyan Parlamentdə hökumətlə sual-cavab zamanı “Mülki müqavilə” fraksiyasının deputatı Vahe Ğalumyanın sualına toxunaraq vurğulayıb.
Deputat Tavuşun sərhəd kəndlərinin sakinləri ilə bu yaxınlarda keçirdiyi görüşdən təəssüratlarını təqdim etməyi xahiş edib.
“Görüşlər çox vacib idi. Və hesab edirəm ki, Voskepar, Kirants və qonşu kəndlərin sakinlərinin bütün narahatlıqları legitimdir. Yəni orada belə bir narahatlıq yaranmayıb ki, mən deyim, belə problem yoxdur. Mənim dediyim başqa şeydir: biz bu problemi həll etməliyik”, – baş nazir bildirib.
“Reaksiyam belə oldu: biz sizi dinlədik və dediyiniz məntiqi rəhbər tutmaq üçün hər şeyi edəcəyik, amma onu da bilməliyik ki, bu, təkcə bizim qərarımız deyil, əks halda mən bu qərarı elə indi verərdim”.
Müxalifətin hakimiyyətin güzəştə getməsi ilə bağlı ittihamlarına toxunan Paşinyan hansı güzəştdən söhbət getdiyini başa düşməyin vacibliyini vurğulayıb.
“Bizim olan bizimdir, bizim olmayan bizim deyil. Bu məntiqi rəhbər tutmalıyıq. Və bu, ER-nin təhlükəsizliyinin təmin edilməsində ən mühüm amildir”, – baş nazir bildirib.
