“Qarabağın Azərbaycana qaytarılmasında Rusiyanın ciddi rolu olub, Rusiyanın köməyi olmadan Azərbaycan Qarabağı qaytara bilməzdi”.
Bu barədə martın 20-də “Cənubi Qafqaz: Ukrayna müharibəsi kontekstində tendensiyalar və perspektivlər” mövzuda keçirilən müzakirələr zamanı Azərbaycan Sülh və Demokratiya İnstitutunun münaqişələr və miqrasiya şöbəsinin müdiri, tarixçi alim Arif Yunusov deyib.
O qeyd edib ki, bu, həm 2020, həm də 2023-cü il hərbi əməliyyatlarına aiddir.
Yunusov Rusiya sülhməramlılarının Qarabağı tərk etməməsini diqqətəlayiq adlandırıb. “Rusiyada hakimiyyət dəyişsə və ya Rusiya dağılsa, Azərbaycanın taleyi necə olacaq? Azərbaycan liberalları Ukraynanın qələbəsinə arxayındırlar və bunun Azərbaycanda da hakimiyyət dəyişikliyinə səbəb olacağına inanırlar. Əliyev rejiminin Rusiya hakimiyyəti ilə sıx əlaqələri var”, o əlavə edib.
