Avrasiya İqtisadi Birliyinin ümumi büdcəsindən paylanan və gömrük rüsumlarından formalaşan Ermənistanın payının artacağı gözlənilir.
Bunu İqtisadiyyat naziri Gevorg Papoyan ER hökumət proqramının (2021-2026) 2023-cü il üçün icrasının gedişi və nəticələrinə dair hesabatın parlamentin regional və Avrasiya inteqrasiya məsələləri komitəsində müzakirəsi zamanı deyib.
“2023-cü ildə Ermənistandan AİB-nin ümumi büdcəsinin xeyrinə 473 milyon dollar yığılıb və cəmi 181 milyon dollar alınıb. Mənfi saldo 292 milyon dollar təşkil edib”, – deyə Papoyan bildirib.
Hazırda Avrasiya İqtisadi Platformasında AİB-yə üzv dövlətlər arasında idxal gömrük rüsumlarının bölgüsü normalarının hesablanması metodologiyasının işlənib hazırlanması və vaxtaşırı nəzərdən keçirilməsi üçün işçi qrup yaradılıb ki, bura ER İqtisadiyyat Nazirliyinin, Maliyyə Nazirliyinin və Mərkəzi Bankın nümayəndələri də daxildir.
“Qeyd etmək lazımdır ki, metodologiyada dəyişiklik olarsa, istənilən hesablamada ER-nın payı artaraq ən yaxşı halda 2,13 faizə, ən pis halda isə 1,69 faizə çatacaq. Hazırda düsturla 1,22 faiz alırıq”, – deyə nazir bildirib.
