Ermənistanın iqtisadi aktivliyin göstəricisi 2024-cü ilin Yanvar-Fevral aylarında ötən ilin eyni dövrü ilə müqayisədə 13,6 faiz artıb.
Bu barədə Ermənistan Respublikasının Statistika komitəsinin dərc etdiyi məlumatlar sənədləşdirir.
Cari ilin ilk 2 ayında sənaye məhsulunun həcmi ötən ilin müvafiq dövrü ilə müqayisədə 28,9 faiz artıb.
Yanvar-Fevral aylarında 2023-cü ilin Yanvar-Fevral ayları ilə müqayisədə tikintinin həcmi 10,8 faiz artıb.
İlin ilk 2 ayında ticarət dövriyyəsinin artımı 24,1 faiz təşkil edib. Həmin dövrdə göstərilən xidmətlərin həcmi 5,2 faiz artıb.
2024-cü ilin Yanvar-Fevral aylarında istehlak qiymətləri indeksi ötən ilin müvafiq dövrü ilə müqayisədə 1,3 faiz, sənaye məhsullarının qiymət indeksi isə 0,4 faiz azalıb. Elektrik enerjisi istehsalının həcmində də azalma qeydə alınıb, ötən ilin müvafiq dövrü ilə müqayisədə azalma 4,9 faiz təşkil edib.
2024-cü ilin ilk iki ayında xarici ticarət dövriyyəsinin həcmi ötən ilin müvafiq dövrü ilə müqayisədə iki dəfə artıb. Bundan əlavə, ixrac 2,6 dəfə, idxal isə 73,2 faiz artıb.
Yanvar-Fevral aylarında dramın ABŞ dollarına nisbətdə məzənnəsi 404,61 dram təşkil edib.
