Avropa diplomatiyasının rəhbəri Cozep Borrell Brüsseldə baş nazir Nikol Paşinyan, Avropa Komissiyasının rəhbəri Ursula fon der Leyen və ABŞ dövlət katibi Entoni Blinkenlə görüşdə çıxış edib.
“Biz iki ay əvvəl Brüsseldə Ermənistanla tərəfdaşlıq şurasının iclasını keçirdik. Münasibətlərimizin müsbət istiqamətdə, həmişəkindən daha möhkəm inkişaf etdiyi və münasibətlərin irəliyə doğru getməsi üçün qarşılıqlı maraqların olduğu aydın idi. Bu gün məhz bu məqsədlə buradayıq.
Amerikalı tərəfdaşlarımızla biz bu tərəfdaşlığı növbəti səviyyəyə çıxarırıq, Ermənistanın suverenliyinə, demokratiyasına və möhkəmliyinə güclü sadiqliyimizi nümayiş etdirmək üçün qüvvələrimizi birləşdiririk. Biz bütün istiqamətlərdə əlaqələrimizi gücləndirmək və inkişaf etdirmək üçün güclərimizi birləşdirmək istəyirik.
Tərəfdaşlıq Şurası çərçivəsində biz xarici işlər naziri Ararat Mirzoyanla Ermənistan-Avropa Birliyi tərəfdaşlığı gündəliyini mümkün olan ən yüksək səviyyəyə çatdırmaq barədə razılığa gəldik. Onlar sadəcə sözlər deyil. Komissiyanın sədri həmin tərəfdaşlığın gündəmini gücləndirmək üçün Ermənistan üçün müqavimətin artırılması üzrə əhəmiyyətli tədbirlər paketini açıqlayıb. Biz bilirik ki, Ermənistan islahatlar və dayanıqlılığın yaradılması istiqamətində fəaliyyətini davam etdirir və bu səylər Hərtərəfli və Genişləndirilmiş Tərəfdaşlıq Sazişinin bir hissəsi olacaq.
Bu, erməni cəmiyyətinin dayanıqlığını artıracaq. Ermənistanın necə xarici informasiya manipulyasiyalarının və müdaxilələrinin hədəfinə çevrildiyini gördük.Bizim öhdəliyimizin bir hissəsi bu məlumatların qarşısını almağa kömək etmək və insanlara media savadlılığını artırmaq da daxil olmaqla, düzgün hərəkət yolunun nə olduğunu başa düşməkdir. Biz inanırıq ki, Ermənistan nə qədər güclü və sabit olsa, Cənubi Qafqaz da bir o qədər güclü və sabit olacaqdır. Bizim işimiz regionun bütün ölkələrinin maraqlarına yönəlib” – deyə Borel bildirib.
