Azərbaycanla sərhəddə eskalasiya Azərbaycanın özündən daha çox Rusiyadan asılıdır. Bunu Təhlükəsizlik Şurasının katibi Armen Qriqoryan İctimai Televiziyaya müsahibəsində Rusiya Xarici İşlər Nazirliyinin rəsmi nümayəndəsi Mariya Zaxarovanın Ermənistan-Azərbaycan sərhədində mümkün eskalasiyanın səbəbləri ilə bağlı son bəyanatını şərh edərkən deyib.
Zaxarova bildirmişdi ki, Ermənistan-Azərbaycan münaqişəsinin mümkün eskalasiyası “yalnız rəsmi Yerevanın Aİ, ABŞ və Böyük Britaniyaya regionun və ölkənin vəziyyətinə dağıdıcı təsir göstərməsinə nə dərəcədə imkan verəcəyindən asılıdır”.
“Brüsseldəki görüşə Böyük Britaniya dəvət edilməyib. Bu hadisə ətrafında saxta rəvayətlər yaradılır. Bu o deməkdir ki, Azərbaycanla eskalasiya Azərbaycandan daha çox Rusiyadan asılıdır. Xanım Zaxarovanın çox narahatedici bəyanatından da bunu dəqiq güman edə bilərik”, – Qriqoryan bildirib.
