Brüsseldə keçirilən ER-Aİ-ABŞ üçtərəfli yüksək səviyyəli görüşü, ilk növbədə, Ermənistanın xarici siyasətinin diversifikasiyası və beynəlxalq münasibətlərdə Ermənistanın rolu və qavrayışı baxımından xüsusi idi. Bu barədə ER parlamentinin Xarici Əlaqələr Daimi Komitəsinin sədri Sargis Xandanyan öz Facebook səhifəsində yazıb.
“Aİ və ABŞ Ermənistanın suverenliyini, demokratiyasını, ərazi bütövlüyünü və sosial-iqtisadi dayanıqlığını dəstəklədiklərini bir daha təsdiq etdilər.
Aİ və ABŞ Ermənistan hökumətinin təqdim etdiyi, ümumi rifah və regional əməkdaşlığa kömək edəcək “Sülhün kəsişməsi” təşəbbüsünü alqışlayıblar.
Bu misilsiz görüş Ermənistanın iqtisadiyyatın şaxələndirilməsi səyləri üçün başlanğıc nöqtəsi kimi vacibdir.
Aİ və ABŞ-ın vəd etdiyi pul dəstəyi Ermənistanın bir sıra sahələrdə dayanıqlığının gücləndirilməsinə və humanitar problemlərin həllinə töhfə verəcək”.
