İşğal olunmuş Dağlıq Qarabağda istənilən təyinat həm qanunsuzdur, həm də qınanılmalıdır: DQ Xalqının Hüquqlarının Müdafiəsi Komitəsi
2024-cü il martın 8-də Azərbaycan Prezidenti İlham Əliyev işğal olunmuş Artsax Respublikasının paytaxtı Stepanakert Şəhər Məhkəməsinin hakimi və sədrinin təyin edilməsi haqqında sərəncam imzalayıb. Hesab edirik ki, bu təyinatlar qeyri-qanuni əmlakın ələ keçirilməsi və ayrı-ayrı şəxslərin təqib edilməsi prosesinin başlanmasına yönəlmiş uzaqgörən, bəd niyyətli/dağıdıcı niyyətlər daşıyır. Bu barədə Dağlıq Qarabağ Xalqının Hüquqlarının Müdafiəsi Komitəsi məlumat yayıb.
“İşğal olunmuş Dağlıq Qarabağın hər hansı şəhər və ya rayonunda, xüsusən də etnik təmizləmə və soyqırım təhlükəsi altında öz evlərindən zorla qovulmuş əhalinin olmadığı bir şəraitdə istənilən siyasi təyinat həm qanunsuzdur, həm də qınanılmalıdır. Bundan əlavə, biz Dağlıq Qarabağda Azərbaycan tərəfindən həyata keçirilən digər siyasi təyinatları pisləyirik ki, bu da Dağlıq Qarabağın yerli əhalisinin demokratik iradəsinə və hüquqlarına sistemli şəkildə etinasızlıq nümayiş etdirir.
Azərbaycanın bu hərəkətləri öz müqəddəratını təyinetmə və demokratik idarəçilik prinsiplərinə zidd olmaqla yanaşı, həm də Dağlıq Qarabağ xalqının iradəsini regionun siyasi və inzibati proseslərində əks etdirmək üçün real səylərin olmadığını açıq şəkildə nümayiş etdirir.
Beynəlxalq Qırmızı Xaç Komitəsinin missiyasının Dağlıq Qarabağdan geri çəkilməsi də bizi çox məyus edir. Yerdəki yeganə beynəlxalq varlıq olan BQXK olmasa, Azərbaycanın əlləri uzun müddət arzuladığı kimi istədiyi hər şeyi etməkdə tamamilə azad olacaq.
Dağlıq Qarabağdakı vəziyyət köçkünlərin təhlükəsiz qayıtması üçün əlverişli olmasa da, beynəlxalq hüquq məcburi köçkünlərin öz doğma ərazilərinə qayıtmaq hüququnu qoruyur. Bu hüquq beynəlxalq hüququn, insan hüquqlarının və beynəlxalq humanitar hüququn adət norması kimi tanınır və Ümumdünya İnsan Hüquqları Bəyannaməsi, Mülki və Siyasi Hüquqlar Haqqında Beynəlxalq Pakt və bir çox digər beynəlxalq konvensiyalar və bəyannamələrlə qorunur.
Ötən il noyabrın 17-də Beynəlxalq Ədalət Məhkəməsi qərar çıxarıb ki, Azərbaycan Dağlıq Qarabağ ermənilərinin “təhlükəsiz, maneəsiz və tez” geri qayıtmasını “təmin etməlidir”. Bu il martın 12-də Avropa Parlamenti Azərbaycanı “Qarabağ ermənilərinin hüquqlarına hörmətin təmin edilməsi və onların təhlükəsizliyini, o cümlədən öz evlərində qayıtmaq və yaşamaq hüquqlarını təmin etmək üçün onlarla həqiqətən hərtərəfli və şəffaf dialoq aparmağa” çağıran qətnamə qəbul edib.
Biz Azərbaycanı müharibə və zorakılıq nəticəsində əldə edilmiş ərazilərin qeyri-qanuni formalaşdırılması ilə məşğul olmaq əvəzinə, Dağlıq Qarabağ xalqının öz evlərinə və tarixi vətənlərinə təhlükəsiz və maneəsiz qayıtmasını təmin edərək, beynəlxalq öhdəliklərini yerinə yetirməyə çağırırıq”,-bəyanatda deyilir.
