2023-cü ilin oktyabrından sonra çoxlu sayda xarici hökumətlər humanitar yardım məqsədilə Dağlıq Qarabağdan məcburi köçkünlərə maliyyə və ya əmlak dəstəyi göstərib. Dəstəyin böyük hissəsi BQXK-ya, Birləşmiş Millətlər Təşkilatının Qaçqınlar üzrə Ali Komissarlığının İdarəsinə və ya xarici inkişaf agentliklərinə yönəldilib. Elan edilmiş dəstəyin ümumi məbləği təxminən 109 milyon dollar təşkil edib. Bu barədə ER baş nazirinin müavini Tiqran Xaçatryan Parlamentdə ER hökumətinin 2023-cü il üçün planının icrasının gedişi və nəticələrinə dair hesabatın müzakirəsi zamanı bildirib.
“Avropa İttifaqı və bəzi xarici hökumətlər 17 milyon dollar məbləğində birbaşa büdcə dəstəyi verib. Büdcə dəstəyi kreditlərinin güzəştliliyini artırmaq üçün Dünya Bankına daha 16 milyon dollar ayrılıb.
Dağlıq Qarabağ qaçqınları üçün Ermənistana ərzaq, dərman və zəruri məişət əşyaları da göndərilib”, – deyə baş nazirin müavini bildirib.
