“Euronews” Xaçatryan adına festivala və erməni musiqi sənətinə geniş toxunub
Nüfuzlu www.euronews.com saytı “Xaçatryan beynəlxalq festivalı: Ermənistanın musiqi irsinə hörmət” adlı geniş məqalə dərc edib. Bu, Xaçatryan adına beynəlxalq festival vasitəsilə erməni mədəniyyətinə toxunub.
Məqalədə müəllif böyük erməni bəstəkarı Aram Xaçatryanın adını daşıyan beynəlxalq festivalın regionda ən populyar klassik musiqi tədbirlərindən biri olduğunu, məqsədinin musiqi vasitəsilə mədəniyyətlərarası dialoqu təşviq etmək, eyni zamanda bütün dünyada Xaçatryan irsi haqqında məlumatlılığı artırmaq olduğunu vurğulayır.
Nəşrin yarımsərlövhələrindən birində ötən ildə Aram Xaçatryanın 120 illik yubileyinə həsr olunmuş və “Aram Xaçatryan” Mədəniyyət fondunun, Ermənistan Dövlət simfonik orkestrinin və Yerevan bələdiyyəsinin birgə səyləri ilə keçirilmiş Xaçatryan festivalına istinad edilir. Vurğulanır ki, festival Xaçatryanın sənətini geniş əhatəli, tanınmış və istedadlı solistlərin iştirakı ilə təqdim edib.
Məqalədə Ermənistanın mədəni sərvətləri ayrıca bölmədə təqdim olunur, müəllifin fikrincə, bu, minilliklərə qədər uzanan tarixə malikdir. Yunanların və romalıların yanında ermənilərin də dünyanın qədim teatr ənənələrinin daşıyıcıları olduğu vurğulanır.
“Euronews”un məqaləsində paytaxt Yerevan da klassik sənəti populyarlaşdıran, zamanəmizin ən məşhur musiqiçilərini və kollektivlərini məmnuniyyətlə qəbul edən, klassik sənəti təqdim edən və klassik musiqi vasitəsilə ölkədə turizmi inkişaf etdirən şəhər kimi təsvir edilir.
Nəşrdə Xaçatryanın adına beynəlxalq müsabiqədən də bəhs olunur. Qeyd olunur ki, bu il artıq 20-ci dəfə keçirilən baxışın məqsədi dünyanın müxtəlif yerlərindən olan istedadlı musiqiçiləri kəşf etmək, eləcə də Xaçatryanın musiqisini populyarlaşdırmaqdır.
