Ermənistan istəyir ki, dünyada heç kim dininə, dilinə, dərisinin rənginə və ya fərqli fikirlərinə görə təqib olunmamasın, soyqırıma məruz qalmasın.
“Armenpress”in məlumatına görə, bunu Parlamentin sədr müavini Hakob Arşakyan Parlamentin növbədənkənar sessiyasında avqustun 3-nün Sincarda yezidi soyqırımı qurbanlarının anım günü kimi təsis edilməsi layihəsinin müzakirəsi zamanı deyib.
“Yezidi xalqına həmrəylik sözü göndərir, eyni taleyi yaşayan xalq olaraq həmrəyliyimizi bildiririk. Bugünkü qərarımızla sevgi və tolerantlıq mesajı veririk. Biz istəyirik ki, dünyada heç kim dininə, dilinə, dərisinin rənginə və ya fərqli fikirlərinə görə təqib olunmamasın, soyqırıma məruz qalmasın”, – deyə Arşakyan bildirib.
Onun sözlərinə görə, Ermənistan Respublikası müxtəlif beynəlxalq platformalarda həmişə soyqırımların pislənməsi və qarşısının alınmasının bayraqdarı kimi çıxış edib.
“Biz bundan sonra da belə olacağıq, çünki biz istəyirik ki, dünya xalqları heç vaxt bizim taleyimizə, yezidilərin, yunanların və assurların taleyi ilə üzləşməsin.
Bir daha Parlament adından və bu qanun layihəsinin qəbulu ilə həm də erməni xalqı adından həmrəyliyimizi, sevgimizi, mərhəmətimizi, rəğbətimizi ifadə etmək istəyirəm və bilmənizi istəyirəm ki, biz sizin yanınızdayıq. Mən bir daha bütün dünya xalqlarının soyqırımı qurbanlarının xatirəsinə ehtiramımı bildirirəm”, – deyə Arşakyan yekunlaşdırıb.
Ermənistan parlamenti birinci oxunuşda avqustun 3-nün Sincarda yezidi soyqırımı qurbanlarının anım günü kimi təsis edilməsi layihəsini qəbul edib. 88 deputat layihənin lehinə yekdilliklə səs verib.
