Ermənistan Azərbaycanla sərhədlərin delimitasiyası prosesinə hüquqi əsas olmadan başlaya bilməz.
Bu barədə Ermənistan parlamentinin hakim fraksiyasının katibi Artur Hovhannisyan parlamentdə keçirdiyi brifinqdə Ermənistan hökumətinin Tavuşda Azərbaycanla sərhədin demarkasiyası prosesinə başlaya biləcəyi ilə bağlı müxalifətin narahatlığına toxunaraq bildirib.
“Hüquqi əsaslar olmadan proses ola bilməz. Biz bu barədə dəfələrlə danışmışıq”, – Artur Hovhannisyan bildirib.
O, əmin edib ki, onlar hər şeyi qanuni əsaslar əsasında edirlər, ona görə də proseslər yavaş gedir. “İstənilən xəritənin, istənilən millimetrin hüquqi əsası olmalıdır. Bunsuz biz irəli getməyəcəyik”, – deyə deputat bildirib.
Müdafiə və Təhlükəsizlik Məsələləri Komitəsinin sədri Andranik Koçaryan əlavə edib ki, bir çox hüquqi əsaslar müzakirə olunub.
“Sovet İttifaqı dağılandan sonra ittifaq dövlətləri hansı sərhədlərlə ayrıldı, inzibati sərhədlər harada idi? Qanuni qeyd var idi. Amma sonradan məlum oldu ki, həmin hüquqi qeydlərin hələ də dəqiqləşdirmə problemi var”, – deyən o, sərhədlərin demarkasiyası məsələləri ilə bağlı komissiyaların bu məqsədlə yaradıldığını, bu problemlərin həll edilməli olduğunu vurğulayıb.
Koçaryan vurğulayıb ki, demarkasiya və delimitasiya prosesinin məqsədi Azərbaycanla sülhə nail olmaqdır.
