Demokratik Qüvvələrin Milli Şurasının mitinq qərarı onunla əlaqədardır ki, beş ildən çoxdur hökumət vətəndaşların sərbəst toplaşmaq azadlığı hüququndan istifadə etməsinə imkan vermir. Bu barədə Demokratik Qüvvələrin Milli Şurasının sədri Cəmil Həsənli aprelin 21-də Bakıda mitinq keçirilməsilə bağlı müxalifətin qərarını “Amerikanın səsi” radiosunun Azərbaycan xidmətinə şərh edərkən bildirib.
“Ölkədə siyasi məhbusların sayı 289 nəfərə çatıb. Siyasi baxımdan sonuncu dəfə prezident seçkiləri keçirildi və başdan-ayağa qədər saxtalaşma oldu. Seçki Azərbaycan xalqının iradəsini təmin etmədi. Ona görə də azad seçki tələbinə çox böyük zərurət var. İnsan haqları ilə bağlı kütləvi pozuntular və digər səbəblər var. Azərbaycan nümayəndə heyətini Avropa Şurasında mandatdan (bir il müddətinə səsvermə hüququndan-red.) məhrum ediblər. Bu da ciddi səbəblərdən biridir. Hökumət hesabat verməlidir ki, bu niyə baş verib?”, – o qeyd edib.
Milli Şuranın sədri Rusiya qoşunlarının “Azərbaycan ərazisindən” çıxarılmasını da vacib sayır.
Cəmil Həsənli deyib ki, mitinqin keçirilməsinə şərait yaradılmasa, Bakı Şəhər İcra Hakimiyyətinin cavabına uyğun olaraq müvafiq qərar qəbul ediləcək.
Beləliklə, icra hakimiyyətinin qərarı, əslində, İlham Əliyevin administrasiyasının qərarını göstərəcək: Bakı Rusiya hərbi kontingentinin Moskvaya getməsi məsələsini qaldıracaqmı?
Bütün bunların fonunda Dövlət Dumasının deputatı Zatulinin “Rusiya sülhməramlı kontingenti”nin orada mövcud olması üçün əsasların gündən-günə azaldığına dair mövqeyi çox maraqlıdır.
