Ermənistanın beynəlxalq hüquqi məsələlər üzrə nümayəndəsi Yeğişe Kirakosyan beynəlxalq məhkəmədə “Ermənistan Azərbaycana qarşı” işinə baxılarkən Ermənistanla Azərbaycan arasında bərabərlik işarəsi qoymağa çalışan Azərbaycan tərəfinin addımlarını kinli və qeyri-ciddi adlandırıb.
Alınan məlumata görə, Beynəlxalq Ədalət Məhkəməsində keçirilən dinləmələrdə çıxış edən Yeğişe Kirakosyan xatırladıb ki, 2021-ci il sentyabrın 16-da Ermənistan Azərbaycana qarşı məhkəmə prosesi başlayıb, çünki bu dövlət ermənilərə qarşı irqi ayrı-seçkilik siyasəti həyata keçirir.
“Məktəb dərsliklərində azərbaycanlı uşaqlara ermənilərə nifrət və onları öldürmək öyrədilir. Dövlət mediası nifrət dilini yayır, dövlət rəsmiləri ermənilərin tamamilə məhv edilməsini tələb edir. Bu, dövlətin icazə verdiyi geniş yayılmış irqçilikdir” – deyə Kirakosyan qeyd edib.
O, vurğulayıb ki, bu dövlətin uzun illər davam edən irqi ayrı-seçkilik siyasəti Azərbaycan tərəfindən ermənilərin kökünü kəsib öz doğma yurdlarından qovmaq məqsədi ilə Dağlıq Qarabağın etnik ermənilərinə qarşı işğalçı müharibəyə başlayanda pik həddə çatıb.
Yeğişe Kirakosyan Azərbaycan prezidenti Əliyevin sonradan söylədiyi sözlərdən də sitat gətirib və o, bildirib ki, azərbaycanlıları irəli aparan düşmənə (ermənilərə) nifrət etməkdir.
“44 gün ərzində Azərbaycan əsgərləri etnik erməniləri qətlə yetirib, onlara işgəncə verib və qürur və fəxrlə öz qurbanları önündə çəkilişlər ediblr fəxr edib…” deyən Kirakosyan məhkəməyə xatırladaraq əlavə edib ki, Azərbaycan bu zorakılıq və hədə-qorxudan Dağlıq Qarabağ ermənilərini etnik təmizləmək üçün istifadə edib, öz vətənlərindəndidərgin salıb və ən azı 30 min ermənini qətlə yetirib.
ER nümayəndəsi izah edib ki, bütün bunlardan sonra Ermənistan bu konvensiya vasitəsilə cavab tələb edib və məhkəmədən hələ də öldürülməmiş və öz vətənlərindən qovulmamış həssas etnik erməniləri təcili müdafiə etməyi xahiş edib.
Eyni zamanda o, əlavə edib: “Hətta Beynəlxalq Məhkəmə də Azərbaycanın etnik təmizləmə kampaniyasını dayandıra bilmədi”.
Yeğişe Kirakosyan bildirib ki, Azərbaycan 2023-cü ilin sentyabrında yüz minlərlə ermənini vətənlərini tərk etməyə məcbur edən hücuma başlayıb.
O, xatırladıb ki, bundan əvvəl Azərbaycan Laçın dəhlizinin qarşısını kəsib, Dağlıq Qarabağı blokadaya alıb və bununla da Dağlıq Qarabağ əhalisini həyati əhəmiyyət kəsb edən ərzaqlardan məhrum edib.
Kirakosyan onu da xatırladıb ki, beynəlxalq məhkəmə Azərbaycandan Laçın dəhlizinin açılmasını tələb edib, lakin Azərbaycan məhkəmənin qərarına əməl etməyib.
“Azərbaycan bu hadisələrdən sonra öz vətənlərinə sağ-salamat qayıtmaq üçün heç nə etməyib” – deyən Kirakosyan Dağlıq Qarabağdan məcburi köçkün düşmüş ermənilərin geri qayıtma ehtimalına toxunub.
O, Azərbaycanın Dağlıq Qarabağın erməni mədəni irsini məhv etdiyini məhkəməyə xatırladıb və bütün bu halların Ermənistanın məhkəməyə müraciətinə səbəb olduğunu vurğulayıb.
Azərbaycan nümayəndəsinin dünənki bəyanatlarına əsaslanaraq, sonuncunun Azərbaycanla Ermənistan arasında bərabərlik işarəsi qoymağa çalışdığı Kirakosyan bunu qəbuledilməz hesab edib və bu cəhdlərin mənasız və kinli olduğunu bildirib.
O, həmçinin əlavə edib ki, Azərbaycan tərəfindən məhkəməyə sübut təqdim etmək çətindir, çünki onlar sadəcə mövcud deyil və bunu Azərbaycan tərəfində bərabərlik yaratmaq üçün ümidsiz cəhd adlandırıb.
